Sunday, October 2, 2022
25.9 C
Mogadishu

Madaxa Bangiga Dhexe oo ka warbixiyay hannaanka lacag bixinta mideysan ee bangiyada Dalka

Guddoomiyaha Bangiga Dhexe Cabdiraxmaan Maxamed Cabdilaahi oo manta ka qeybgalay barnaamijka kulanka todobaadka ee warbaahinta Qaranka ayaa ka warbixiyay hannaanka lacag bixinta mideysan ee ay wadaagaan bangiyada Dalka.
Guddoomiyuhu waxa uu sheegay in lagu guuleystay hannaanka isku xiran ee bangiyada, sidaa daraadedna ay waajib tahay in dadka lala wadaago, iyadoo la xafidayo ayuu yiri hantida shacabka ee taallaa 13 bangi gaar ah  oo xiriir wanaagsan la leh Bangiga Dhexe.

Mudane Cabdiraxmaan Maxamed Cabdilaahi waxa uu xusay in waajibaadkooda qaran uu yahay hubinta adeegyada ay bixiyaan bangiyada gaarka ah iyo sida ay ugu dhaqmaan shuruucda lagama maarmaanka ah ee u degsan  maamulada guud ahaan bangiyada.

Guddoomiyaha, mar uu ka hadlayey soo saaridda lacago cusub oo shillin Soomaali ah waxa uu qiray in ay socdaan diyaargarow ku aadan howshaasi, sidaa awgeedna ay rajeynayaan in waqtiyada soo socda lagu guuleysto soo saaridda lacago cusub.

Guddoomiyaha Bangiga Dhexe waxa uu rajeeyay in sanadka soo socda la helo Koboc dhaqaale oo aad u wanaagsan, inkastoo ayuu yiri cudurka COVID-19 uu saameyn ku yeeshay ganacsigii caalamka iyo isu socodkii dadka.

Related Articles

Rukumo Baraheena Bulshada

135,668FansLike
32FollowersFollow
1,260SubscribersSubscribe

News In English

Ciyaaraha